Trending:
ਵਾਹਿਗੁਰੂ ਦੀ ਕਿਰਪਾ ਨਾਲ, ਮਾਂ ਪਿਓ ਦੀਆਂ ਦੁਆਵਾਂ, ਤੇ ਮਿਹਨਤ ਨਾਲ ਆ ਦਿਨ ਆਏ ਨੇ-ਐਮੀ ਵਿਰਕ
ਵਾਹਿਗੁਰੂ ਦੀ ਕਿਰਪਾ ਨਾਲ, ਮਾਂ ਪਿਓ ਦੀਆਂ ਦੁਆਵਾਂ, ਤੇ ਮਿਹਨਤ ਨਾਲ ਆ ਦਿਨ ਆਏ ਨੇ-ਐਮੀ ਵਿਰਕ : ਪੰਜਾਬੀ ਗਾਇਕ ਤੇ ਅਦਾਕਾਰ ਐਮੀ ਵਿਰਕ ਜਿਹੜੇ ਲਗਾਤਾਰ ਹਿੱਟ ਫ਼ਿਲਮਾਂ ਤੇ ਗਾਣਿਆਂ ਨਾਲ ਪੰਜਾਬੀਆਂ ਦਾ ਦਿਲ ਜਿੱਤਦੇ ਆਏ ਹਨ। ਐਮੀ ਵਿਰਕ ਨੇ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਆਪਣੇ ਮਾਤਾ ਪਿਤਾ ਦੀ ਤਸਵੀਰ ਸਾਂਝੀ ਕਰ ਸਰੋਤਿਆਂ ਦਾ ਉਹਨਾਂ ਨੂੰ ਇਸ ਮੁਕਾਮ 'ਤੇ ਪਹੁੰਚਾਉਣ ਲਈ ਧੰਨਵਾਦ ਕੀਤਾ ਹੈ। ਐਮੀ ਨੇ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ "WAHEGURU ji di kirpa nal, maa peo dia duaawan nal, te mehnat naal ah din aye... supne sach hunde ne bas ohde layi mehnat zaroori aaa ...WAHEGURU sarea de supne poore kare thnaks thoda sarea da mainu ethe tak lai k aun layi... bebe baapu".
ਇਸ ਤਸਵੀਰ 'ਚ ਐਮੀ ਵਿਰਕ ਦੇ ਮਾਤਾ ਪਿਤਾ ਤੇ ਇੱਕ ਲਗਜ਼ਰੀ ਗੱਡੀ ਖੜੀ ਹੈ।ਐਮੀ ਵਿਰਕ ਨੇ ਇਹ ਲਗਜ਼ਰੀ ਕਾਰ ਆਪਣੇ ਮਾਤਾ ਪਿਤਾ ਨੂੰ ਤੋਹਫੇ 'ਚ ਦਿੱਤੀ ਹੈ ਜਿਸ ਲਈ ਪੰਜਾਬੀ ਸਿਤਾਰਿਆਂ ਸਮੇਤ ਬਾਲੀਵੁੱਡ ਦੇ ਸਿਤਾਰਿਆਂ ਨੇ ਵੀ ਉਹਨਾਂ ਨੂੰ ਵਧਾਈਆਂ ਦਿੱਤੀਆਂ ਹਨ। ਜਿੰਨ੍ਹਾਂ 'ਚ ਰਣਵੀਰ ਸਿੰਘ, ਬਾਦਸ਼ਾਹ, ਬੀ ਪਰਾਕ, ਜੱਸੀ ਗਿੱਲ, ਕੌਰ ਬੀ, ਮਿੱਸ ਪੂਜਾ, ਗਿੱਪੀ ਗਰੇਵਾਲ ਆਦਿ ਸਖਸ਼ੀਅਤਾਂ ਸ਼ਾਮਿਲ ਹਨ।
ਦੱਸ ਦਈਏ ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਦੀ ਫ਼ਿਲਮ ਮੁਕਲਾਵਾ 24 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਅਗਲੇ ਸਾਲ ਐਮੀ ਵਿਰਕ ਬਾਲੀਵੁੱਡ 'ਚ ਫ਼ਿਲਮ '83' ਰਾਹੀਂ ਡੈਬਿਊ ਕਰਨ ਜਾ ਰਹੇ ਹਨ ਜਿਸ 'ਚ ਐਮੀ ਵਿਰਕ ਰਣਵੀਰ ਸਿੰਘ ਨਾਲ ਵੱਡੇ ਪਰਦੇ 'ਤੇ ਨਜ਼ਰ ਆਉਣਗੇ, ਅਤੇ ਅਜੈ ਦੇਵਗਨ ਨਾਲ ਫ਼ਿਲਮ ਭੁੱਜ- ਦ ਪ੍ਰਾਈਡ ਆਫ਼ ਇੰਡੀਆ 'ਚ ਫਾਈਟਰ ਪਾਇਲਟ ਦਾ ਕਿਰਦਾਰ ਨਿਭਾ ਰਹੇ ਹਨ। ਐਮੀ ਵਿਰਕ ਦੀ ਇਸ ਕਾਮਯਾਬੀ ਪਿੱਛੇ ਉਹਨਾਂ ਦੀ ਮਿਹਨਤ ਅਤੇ ਸਰੋਤਿਆਂ ਦਾ ਪਿਆਰ ਹੀ ਜਿਹੜਾ ਉਹ ਬਾਲੀਵੁੱਡ 'ਚ ਵੀ ਆਪਣੇ ਮਾਤਾ ਪਿਤਾ ਤੇ ਪੰਜਾਬੀਆਂ ਦਾ ਨਾਮ ਰੌਸ਼ਨ ਕਰ ਰਹੇ ਹਨ।
